الواحد مبقاش يعرف يسقف مع رامي جمال ولا يرقص مع شاكوش ولا يعيط مع عمرو دياب ولا يتصور محمد رمضان



هو دا حال كتير قوووى من الناس الكام يوم اللى فاتو خصوصا بعد نزول البوم عمرو دياب الجديد سهران واللى فعلا كان اسم على مسمى فضل مسهرنا طول الليل لحد لما نزل
المشكلة الناس بعد ما جه عليها وقت كانت عايشين مع أغانى المهرجانات لفترة طويلة بداية من حمو بيكا واخيرا حسن شاكوش بعد االبوم سهران حصل نوع من الصدمة والناس بدات تفوق ايه اللى كنا بنسمعه دا
دا غير ان عمرو دياب بالألبوم بتاعة الجديد رجع الناس لسنيين كتير ورا من الفن الجميل اللى بيحسسك بالحب والمشاعر وخصوصا انه جه فى وقت عيد الحب
وظهرت بقة اقاويل على السوشيال ميديا مين افضل اغانى المهرجانات ولا عمرو دياب وطبعا دا ضايق محبى عمرو دياب اللى اعتبروا المقارنة دى مش فى محلها تمام لان الهضبة تاريخ اكتر من 30 سنه واغانية عايشة وهتعيش لكن اغانى المهرجانات دى فقعة بتظهر فاجأة وهتختفى على طول فى حين ان البعض شايف ان كل لون من الغنا ليه جمهوره وانها اذواق

وانا باقول ماتزعلوش ياجماعة عموما كل لون من الغنا ليه مكانة ووقته وموده لما تحب تعيش فى حالة حب ورومانسية اسمع عمرو دياب لما تحب ترقص اسمع مهرجانات عادى سهلة أهى

علي سيرة الطرب الجميل من أغانى عمرو دياب ورقص اغانى المهرجانات ظهرلون تانى من الأغانى حاجة كدا زى التنمية البشرية زى اللى كانت فى اغنية رامى جمال اللى بيقول فيها والدنيا طعمها سكرى زى الملبن الطرى والدنيا قلم رصاص بيخلص كل ما يتبرى هههه لو حظك بوز زعزغه تلاقى المشاكل اتلغوا ياما ناس بداوا من تحت الصفر ادلعوا واتنغنغوا ولو الظروف هتسخف سقف سقف اوعى توقف
تنمية بشرية دى ولا مش تنمية بشرية

بس والله ياعم رامى احنا ايدينا اتهرت من التسقيف ومافيش حاجة اتغيرت ياريت تشوفلنا وصفه تانية فى الأغنية الجديدة

من التسقيف على ايدينا للتسقيف على وشنا من قصص محمد رمضان اللى ما بتخلص وخاصة قصته اللى بدات مع الطيار اشرف ابواليسر بعد نشر صور له فى كابينة الطيارة واللى تسببت فى فصل الطيار مدى الحياة وحرمانة من وظيفته
بعدها بدأت سلسلة من الفيديوهات ما بين تصريحات وردرود من الطيار ورمضان اثارت اهتمام رواد السوشيال ميديا بشكل كبير جدا من جميع الفئات والأعمار ما بين مستاء من محمد رمضان وانه المفروض يعوض الطيار لانه كطان السبب فى فصله من شغلة وما بين اللوم على الطيار نفسه لانه خالف القوانين وان دا جزاء مناسب له وما بين متعاطف معه وكانوا بيناشدوا وزارة الطيران المدنى باعادة النظر فى العقوبة لكن اسدل الستار بييان هيئة الطيران المدنى بعدم رجوعها فى قرار الفصل
من هنا ظهرت اصوات تنادى بمقاطعة اعمال محمد رمضان واصبح تريند على تويتر وخصوصا بعد فيديوهات رمضان اللى استفزت البعض فى ردوده على الطيار ومطالبته له ب بتعويض مالى وكمان الفيديو اللة نشره وهو بيمثل انه داخل غرفة عمليات وقال ان الدكتور اللى صورة تم فصله مدى الحياة كنوع من الإسقاط على الطيار

هى قصة فيها طرفين مانقدرش نبرا حد فيهم من المسئولية لكن خلونا نشوف ايه اللى ممكن يحصل الايام الجاية مش جايز نلاقى الطيار مع رمضان فى فيلم ويسمية (قصتى مع الطيار )

الفالانتين السنة دى ماكنش طبيعى ولا زى كل سنة الناس كانت مركزه معاه قوى من قبل يوم عيد الحب تقريبا بشهر ودا على غير العادة مع اننا فى الاساس مابنحتفلش بيه بس ايه الاهتمام دا مش عارفه
لكن الأكيد فى الموضوع الفرق الرهيب بين هدايا الفلانتين للمتجوزين للى لسه ماتجوزوش تلاقى الشباب والبنات قبل الجواز شايلين ورد ودباديب وبعد الجواز الراجل جايب هدية لمراته عيش فينو وزبادى للأولاد ههههههه

دا غير نظرة السناجل مش السناجب طبعا للفلانتين غير المرتبطين خالص الشخص السنجل بيبص للفلانتين نظرة استغفر الله العظيم كدا حاجة من الكبائر

source

Comments

Leave a Comment